عبد الله شوكا
لله ساعدني يا زجل
انا باغي كلمتي توصل
خليني نشعر راني مغلغل
نحس بلساني مربوط مسلسل
باغي نشعر لساني يتململ
لساني يحرقني فيه الفلفل
شلا ما يتكال الحلق تفتل
في دواخلي كلمات تولول
انا الهايم كولو لي ترجل
من صغري نترنح باقي نعقل
نكول كلامي هكا بلا ما نغربل
نزكي (ثلاث نقط فوق الكاف) في ايامي يكولو مخلخل
كلامي رشاش في المعتوه يقتل
نحيح في صوتي نكثر ما نقلل
زجلي سلاح بالكلمة نحتل
نرش صحاري بالماء والسطل
انا نسر تايه فوك الوطية والجبل
نشتت الحروف نقصف ونقنبل
زايد في طلوعي حالف مانزل
بغيت كلامي للعقول يوصل
وما نكون بحال اللي يكب الما في الرمل
هكذا انا في كلامي غايس نجطل.
Arabic